تاند- تېره شپه د هلمند ولایت په مرکز لشکر ګاه کې یوه ترهګر ځان والوزاوه او ۱۶ نور یې ژوبل کړل.
تروریست، چې په موټر کې سپور و، د شپې په اوه نیمې بجې غوښتل چې ځان د پولیسو پوستې ته ورسوي.
د شاهدانو په قول د تاند د راپور له مخې په دې تروریستي برید کې ۱۴ ملکیان او ۲ پولیس ټپیان شول.
د هلمند د والي ویندوی عمر ځواک هم له نورو رسنیو سره په خبرو کې د ټپیانو شمېر تایید کړ.
خو ځواک وویل چې د تروریست د حملې هدف ورته څرګند نه دی.
دا برید وروسته له دې وشو چې د کندهار د معروف اوسېدونکو د پاکستاني پوځیانو د وړمې شپې په ړندو حملو کې د یوه ملکي افغان د وژل کېدو په بدل کې د شنبې په ورځ یو پاکستانی پوځي وواژه.
د ملګروملتو د راپور پر اساس د سږ کال په لومړیو شپږو میاشتو کې (د جنورۍ له لومړۍ د جون تر پایه) د طالبانو له لوري په حملو کې ۱۵۶۰ تنه ملکیان وژل شوي او ۳۲۹۰ نور ژوبل شوي دي.
لطاً د متن دغه برخه جوړه کړئ( یوه ترهګر ځان والوزاوه او ۱۶ نور یې ژوبل کړل.)