تاند- په سوریه کې د اسلامي دولت د وحشي ډلې له لوري د پارلمیرا ویجاړ شوي تاریخي ښار اثار په لندن کې نندارې ته وړاندې شوي دي.
د لرغوني پالمیرا، چې عربان یې تدمُر بولي، تاریخي محراب ټوټې له یوځای کېدو وروسته د لندن په ترافیلګر میدان کې نندارې ته اېښودل شوی دی.
دا محراب لږترلږه ۲ زره کاله پخوا جوړ شوی او د یونسکو له لوري د نړۍ د کلتوري میراث په توګه ثبت شوی و.
د بریتانیا دیجټل ارکیالوجي انستیتیوت د دغه محراب له عکسونو او ۳ بعدي چاپ څخه په استفادې د مصر پر مرمرو ډبرو ترمیم کړی دی.
ټاکل شوې ده چې له لنده وروسته په څو نورو ښارونو کې هم دا ارزښتناک تاریخي اثر نندارې ته کېښودل شي.
د اسلامي دولت یا داعش په شان بدوي ډلې له لرغونو اثارو سره د دین دوستۍ په نوم دښمني کوي.
دې مستحجرې ډلې د عراق او سوریې اکثره لرغوني اثار، چې د انساني تمدن نښې وې او په نړۍ کې یې ساری کم و، ونړول.
وسله والو طالبانو هم په ۲۰۰۱ م کال د بامیان د بودا تاریخي مجسمې او د کابل موزیم یو شمېر ارزښتناک اثار ویجاړ کړل.
پالمیرا ښار، چې د تېر کال په مې میاشت کي داعشي وحشیانو ونیوه، سوري پوځیانو تېره مارچ میاشت بېرته له دې ډلې پاک کړ.
تاند- په سوریه کې د اسلامي دولت د وحشي ډلې له لوري د پارلمیرا د تاریخي ښار اثار په لندن کې نندارې ته وړاندې شوي دي.؟؟؟؟؟
دا متن یو ځل بیا وګورئ، چي څه ډول امکان لري چي د داعش ځواکونه دي د سورې آثار په لندن کي نندارې ته وړاندي کړي؟
په کوم ځای کې ویل شوي چې داعش دا کار کړی دی؟
انګلیس خپلې موخې ته ورسید
اوس مو اصلاح کړ، خو پوښتني ته مو ځواب ویل شوی ليکن له منځه مو یو وړ..
او بله خبره دا چي وايي د افغانستان رسنۍ تر ګاونډيو ښې دي.