راپور: هارون احمدزی –
دا ځل پکتيا کې د تېرې ځوانانو ټولنې له لوري په دې نوم سيالۍ پيل شوې چې « ښوونځئ ته تګ مه پريږدئ» دا سيالۍ پای ته ورسيدي.
لا هم مرکز ته په نږدې سيمو کې ماشومان ښوونځيو ته نه ځي او نه هم د کورنيو له لوري ورته ډېره پاملرنه کيږي.
د پکتيا د تېرې ځوانانو ټولنې مسوولين وايي په دغو سيالو کې د تېرې د سيمې د ۱۴ لوبډلو تر څنګ د کابل يوې لوبډلې هم برخه اخيستې وه.
د تېرې د ځوانانو ټولنې دويم مرستيال انجنير سلطان احمدزي او د دې ټولنې د سپورتي کميټې مسوول سردارولي تېروال له رسنيو سره په خبرو کې وويل چې د دې سيالو څخه موخه خلکو ته د تعلم په برخه کې عامه پوهاوی او د لوبغاړو غوراوی وو.
« موږه دغه لوبې په همدې موخه پيل کړې چې د سيمې اوسيدنکي خپل بچيان ښوونځيو ته وليږي، ځکه ښوونځي د زده کړې او روزنې ځای،دغه لوبې به په سيمه کې د پوهنې په برخه کې ښه پيغام ورسوي»
« سردارولي تېروال يم د دغو لوبو څخه بل هدف دادی چې په سيمه کې يو داسې لوبډله جوړو کړو چې په ولايتي کچه له نورو لوبډلو سره ولوبيږي»
پکتيا کې د کرکټ بورډ چارواکي د دا ډول لوبو جوړول په سيمه کې د بدلون لپاره اړينې بولې او وايي د پوهې په برخه کې تر ټولو ښه پيغام د لوبو له طريقه رسولی شي.
پکتيا کې د کرکټ بورډ مدير نور محمد د لوبو اغيز پر زده کړه اغيزمن بولي.
« هغه لوبې چې د پوهې پيغامونه او شعارونه له ځان سره لري په سيمه کې ډېر اثير غورځولی شي، لوبو ته د هرې کچې خلک راځي سپين ږيري،مشران او ماشومان نو دا ډول لوبې په زده کړو مستقم تاثير کولی شي»
که څه هم دتېرې د ځوانانو ټولنې له لوري په تعلمي ډګر کې بېلا بېل ښوونيز پرګرامونه جوړ شوي خو دا لومړی ځل دی چې پکتيا د دې سر ليک لاندې چې ښوونځي ته تګ مه پريږدئ د کرکټ سيالۍ جوړيږي.