د پکتيکا ولايت چارواکي وايي چې د دغه ولایت د ملي امنيت رياست په هڅو د وسلوالو مخالفانو يوه اته کسيزه ډله له مخالفته لاس په سر او د سولې له پروسې سره يو ځای شوه.
په همدې حال د پکتيکا والي محب الله صميم له کورنيو وسلوالو مخالفانو غوښتل چې نور دې حقيقتونه درک کړي او د پرديو په لمسون دې هېواد نه ورانوي
د ملي امنيت رياست مسؤولين وايي چې يادې ډلې د تيرو دوو کلنو راهيسې د پکتيکا ولايت په اومنې ولسوالۍ کې فعاليت کاوه او دوی به هڅه وکړي تر څو نور غولول شوي کسان هم د سولې پروسې سره يو ځای کړي
په همدې حال د پکتيکا والي محب الله صميم له کورنيو وسلوالو مخالفينو وغوښتل چې د پرديو په لمسون راتلوونکي ټولټاکنې زيانمنې نه کړي او پرېږدي تر څو هېوادوال په ارامه خپلې رايې وکاروي
په داسې حال کې د وسلوالو مخالفينو اته کسيزه ډله په دې ولايت کې د سولې پروسې سره سره يو ځای کيږي چې په هېواد کې ټولټاکنو ته يوازې دوه ورځې پاتې دي