تاند- د کابل د مېوو په بازار کې نن /سې شنبه/ ماسپښین مهال پراخ اور بل شوی دی.
د لومړنیو راپورونو له مخې، اور ګڼ شمېر دوکانونه سوځولي او لا یې هم د وژلو هڅې کېږي.
د کابل د پولیسو ویندوی بصیر مجددي رسنیو ته وویل چې تراوسه پورې د اور د لګېدو علت څرګند نه دی.
په کابل او نورو ښارونو کې عموماً د برښنا د مزو د شارتۍ او یا د ګازو د ډبو د چاودنې له کبله اور بلېږي.
د کابل په منډوي او د لرګو پلورنې په بازار کې په ځلونو اور لګېدلی دی.
خو دا لومړی ځل دی چې د مېوو په بازار کې اور لګېږي.
د دې خبر د خپرېدو تر شېبې پورې د اور لګېدو په نتیجه کې د چا د ژوبلېدو راپور نه دی ترلاسه شوی.