تاند- په افغانستان کې د امریکا سفارت د کابل ښار نننۍ ځانوژونکې حمله وغندله.
په دې برید کې، چې نن سهار شپږ نیمې بجې د بهرنیو ځواکونو د اډې په خوله کې وشوه، لږترلږه ۵ بهرني ساتونکي وژل شوي دي.
په لومړنیو راپورونو کې ویل شوي و چې ۳ بهرني سلاکاران وژل شوي دي.
د امریکا سفارت وايي چې په کابل کې پر ګیبسن کمپ د نن سهار تروریستي برید، چې له کبله یې پنځه بهرني امنیتي ساتونکي ووژل شول، په کلکه غندي.
د سفارت په خبرپاڼه کې د وژل شویو کسانو د کورنیو له غړیو سره خواخوږي څرګنده شوې او په حمله کې د ټپیانو د ژر تر ژره روغتیا هیله شوې ده.
په خبرپاڼه کې تاکید شوی چې دا ډول بریدونه به افغانان او نړیواله ټولنه د افغانستان د پرمختګی او ښې راتلونکې لپاره له هلوځلو په شا نه کړي.
تاسو دغلط سیاست نتیجه ده
چی همدا حال دی