د کابل پوهنتون په دروازه کې د چاودنې په نتیجه کې لږترلږه ۸ تنه وژل شوي او په لسګونو نور ژوبل دي.
د کورنیو چارو او روغتیا وزارتونه وايي، په دې چاودنه کې، چې نن (جمعه/ سهار مهال وشوه، لږترلږه ۳۳ نور ژوبل دي.
خو د عامې روغتیا وزارت مسوولان وايي چې ممکن د تلفاتو شمېر زیات شي.
تراوسه پورې کومې ډلې د دې برید مسوولیت په غاړه نه دی اخیستی.
د کابل پولیس وايي چې په پېښه کې دوو موټرونو اور اخیستی او له لومړۍ چاودنې وروسته پولیس وتوانېدل چې د پېښې په ځای کې یو بل بم شنډ کړي.
دا چاودنه په داسې وخت کې وشوه چې محصلان د ازموینې لپاره له پوهنتونه دباندې انتظار ول.