خبرپاڼه
نېټه: ١٣-٠٤-١٣٩٢
کندهار افغانستان– دکندهار ولايت د امنيت آمر سمونوال رحمت الله اطرافي نن پنجشنبې د ولايت مقام د رسنيو په دفترکي په خپل نوبتي غونډه کي خبريالانو ته وويل چي ملي پوليسو تېره اوونۍ د خپلواکو او ګډو چاڼيزو عملياتو پرمهال (١٩) تنه وسلوال مخالفين وژلي،(١٢) تنه مخالفين يې زخميان کړي او (٩)نفره نور يې ژوندي نيولي دي.
د نوموړي په خبره د يادو افرادو سره يوځاى يو شمېر سپکي او درنې وسلې هم د دوى لاسته ورغلي دي چي پکښي (٣٣) مختلف النوع ماينونه، (٢) ميله زاړه تفنګچه،(٤) عدده کلاشنکوف ،(٢) عدده لاسي بمونه، (١) عدد صوب پرتله ، (١) عدد ميمور کارډ چي پکي د دولت پر ضد تبليقات ول،(١) پايې مخابرې او (٢) عرادې موټرسيکلان هم د پوليسو لاسته ورغلي دي.
دښاغلي اطرافي په وينا دتيري اوونۍ په عملياتوکي (٨) تنه د جينايي پيښو په تور نيول سوي چي (٧) نفره د غلا او (١) نفر د وهلو او ټکولو په تور نيولي دي.
نوموړي همدارنګه وويل چي په يادو عملياتو کي يې د ښار د مختلفو برخو او ولسواليو څخه يو شمېر نشيي توکي هم لاسته راوړي چي (٩٠) کيلو ګرامه ترياک د ښار د نهمي ناحيې او پنجوايې ولسوالۍ څخه، (٧٨،٢٠٠) کيلو ګرامه ترياک د شپږمى حوزې څخه نيول سوي د ي چي د يادو توکو سره يو ځاى (١) عراده بايفور موټر او (٢) مظنون افراد هم نيول سوي دي.
رحمت الله اطرافي دغه راز دخپلو خبرو په پاى کي وويل چي د عوايدو ترافيک د جوز سير له درکه ( ١٠٠٥٩٠٧) مبلغ افغانۍ د مستوفيت له طريقه د افغانستان بانک ته تحويل کړي.