ارګ: مراد علي مراد د کورنیو چارو د وزارت له مرستیالۍ لېرې شوی نه دی

تاند- ارګ د کورنیو چارو وزارت د مرستیال جنرال مراد علي مراد د برطرفۍ خبر رد کړ.

مخکې د کورنیو چارو وزارت یوې سرچینې څو رسنیو ته ویلي و چې مراد علي مراد د ولسمشر غني له لوري برطرفه شوی دی.

خو د دې خبر له خپرېدو وروسته ارګ اعلان وکړ چې د افغانستان ولسمشر مراد علي مراد ګوښه کړی نه دی.

پخوانی خبر

د کورنیو چارو مرستیال وزیر مراد علي مراد برطرفه شو

تاند- راپورونه وايي چې د افغانستان ولسمشر د کورنیو چارو مرستیال وزیر جنرال مرادعلي مراد برطرفه کړی دی.

مراد علي مراد، چې پخوا د لوی درستیز مرستیال او د قول اردو قوماندان و، یوه ورځ وروسته له دې د کورنیو چارو د وزارت له معینیت څخه لېري شو چې د کابل په لوېدیځ کې د داعش د تروریستي ډلې په انتحاري حمله کې تر ۶۰ زیات افغانان ووژل شول او تر سلو ډېر نور ژوبل شول.

جنرال مراد یوه موده د د مځکني ځواک قومندان هم و.

ارګ تراوسه پورې د جنرال مراد علي مراد د برطرفۍ په اړه څه نه دي ویلي.

څرګنده نه ده چې مراد علي مراد د کابل د پرونۍ پېښې په تړاو له کاره ګوښه شوی او که په کوم بل علت.