اې په خوب کې رانه ورکې
***
کوډې وکړه را پیدا شه
زه دې تږی د دیدن یم
ړنګه غرقه غیږ ته راشه
اې په خوب کې رانه ورکې
***
زړه مې داسې نازک شوی
ماتیدونکی له تا نه دی
صبریدونکی له تا نه دی
اې په خوب کې رانه ورکې
***
دا به اوج د یو احساس وي
ټول بې رنګ او غمجن بریښي
زه او ته او زمونږ نړۍ چې
د خزان تکرار نن بریښي
اې په خوب کې رانه ورکې
***
دا به اوج د بل احساس وي
چې په شوق کې دې ژوندی یم
چې په تا مست لیونی یم
اې په خوب کې رانه ورکې
***
راپیدا شه چې دنیا مې
ستا لاسو ته انتظار ده
یا مې ښکلی بد قسمت کړه
یا مې ورک آن تر قیامت کړه
اې په خوب کې رانه ورکې
***
دا چې لرې رانه اوسې
شیبې څنګه بې رحمیږي
چې یواځې یو مین زړه
زما له حاله ښه خبریږي
اې په خوب کې رانه ورکې
***
زما له مینې مه تیریږه
له قسمت مه خپه کیږه
او له ما هم مه ځوریږه
اې په خوب کې رانه ورکې
***
کوډې وکړه یو ځل راشه
زندګي مې ټوله ستا شه
په دې ټول وجود مې ساه شه
دا شعر مې د یوې سندرې له مخې په پښتو ژباړلی هیله من یم په زړه پوری وي.
صفي الله ستانکزی ۲۷جون ۲۰۱۳ کابل