د ارګ موثقې سرچینې وایي، سلام رحیمي به ډېر ژر د ولسمشر د دفتر ریاست له څوکۍ ایسته شي.
سرچینه وایي، د رحیمي پر ځای د اداري اصلاحاتو د مشر نادر نادري، د ولسمشر د لوی سلاکار فاضل محمود فضلي او د چارو د ادارې مشر وحید قتالي نومونه تر غور لاندې دي او د ولسمشر د انګلستان له سفر وروسته به په دې اړه هر څه روښانه شي.
د سبا تلویزیون بنسټګر سلام رحیمي د مالیې وزارت له وخته د محمد اشرف غني د باور وړ نږدې کسانو کې شمیرل کېږي خو اوس ویل کېږي چې ولسمشر نوموړي ته سخت په غوسه شوی دی.
دا په داسې حال کې ده چې طالبانو تازه د ناروې اوسلو ښار کې د سولې هغه غونډه کې ګډون رد کړی چې ویل کیږي له افغانستانه به امرالله صالح او سلام رحیمي ګډون په کې کوي.