تاند- افق نیوز خبري اژانس وايي چې د بلخ سرپرست والي عطا محمد نور د ولسمشر له لوري برطرفه شوی دی.
دا اژانس په ارګ کې د یوې سرچینې له قوله، چې نوم یې نه دی یاد کړی، وايي چې عطا محمد نور له دوو اوونیو راهیسي په کابل کې د جمعیت ګوند د کانګریس لپاره کار کوي خو ارګ پرېکړه کړې چې نوموړی له دندې ګوښه کړي.
د افق د راپور پر اساس د پنجشنبې په ورځ د ځوانانو په غونډه کې پر ولسمشر غني د عبدالله عبدالله د توندو نیوکو علت دا و چې ولسمشر د عطا محمد نور د لېري کېدو پرېکړه کړې ده.
خو په عین حال کې داسي اوازې هم خپرې شوي چې اجرايي ريیس عبدالله د دې لپاره پر ولسمشر انتقادونه وکړل چې د جمعیت په کانګریس کې لوړ مقام ترلاسه کړي او عطا نور ته ګوزار ورکړي.
خو افق نیوز وايي، ارګ د عطا محمد نور د لېري کولو لپاره د مناسبې موقع په لټه کې و او غوښتل یې داسي وښيي چې د ده په لېري کېدو کې اجرايي رييس هم شریک دی.
ویل کېږي چې د جمعیت ګوند د مشرتابه پر سر د عطا محمد نور، عبدالله عبدالله او د رباني د زوی صلاح الدین رباني ترمنځ سخته سیالي روانه ده. داسي انګېرل کېږي چې پر حکومت د هر لوري نیوکې د هغه له مشرتابه سره مرسته کولی شي ځکه چې د جمعیت غړي په حکومت کې سل په سلو کې واک او چوکۍ غواړي خو اوسني حکومت د دې ډلې د واک فیصدي یو څه کمه کړې ده.
Salamooona
Ka dagha kar shawai we ashraf ghani wro wro maqsad ta rasidai she zaka dagha zanta pokhwanai ferghwan wayal.
Manana