تاند، یکشنبه، د عقرب ۵مه: طالبانو په غزني د برید لپاره یو رینجر موټربم چمتو کړی و، خو افغان ځواکونو کشف او پر وخت خنثی کړی دی.
د غزني د والي ویاند عارف نوري تاند ته وايي، دا موټر طالبانو پر غزني د تېر کال بریدپر مهال له ځان سره بیولی و او تېر ورځ مازیګر د واغظ ولسوالۍ په بګۍ کلي کې له چاودېدونکو توکو ډک کړای شو و چې د پولیسو له لوري په ځانګړو عملیاتو کې کشف او خنثی شوی دی.
د نوري په خبره د دغه موټربم په تړاو یو کس هم نیول شوی دی چې د یو لوی تروریستي برید پلان یې درلود، خو طالبانو بیا تر اوسه په دې تړاو نظر نه دی خپور کړی.