تاند، پنجشنبه، د عقرب ۳۰مه: د غور چارواکي وايي، په دې ولایت کې په نشو روږدي یو ځوان تېره ورځ خپل پلار تر لفظي شخړې وروسته د تفنګچې په ډزو وژلی دی.
د غور د امنیه قومندانۍ ویاند سمیع نژاد تاند ته پېښه تایید کړه او زیاته یې کړه د فېروز کوه ښار ته نږدې په قطس بالا سیمه کې چې د طالبانو تر نفوذ لاندې کلی دی، یو معتاد ځوان تر کورنۍ لفظي شخړې وروسته پر خپل پلار ډزې کړې دي.
نوموړی وايي، د خپل پلار تر وژنې وروسته یې زوی تښتېدلی خو پولیس یې د نیولو په لټه کې دي.
غور دا مهال د هېواد په کچه هغو ولایتونو کې شمېرل کېږي چې تر ټولو زیات نشه يي توکي په کې کارول کېږي.