د نوي فکر مطبوعاتي اعلامیه –
نن شنبه د وري په ۸مه نېټه، د نوي فکر په مرکزي دفتر کې د شهیدې فرخندې روح ته د دعا په مؤخه د قران کریم ختم او د نوموړې روح ته د دعا مراسم تر سره شول په دغه غونډه کې چې شاوخوا سلو تنو ګډون کړی وو، د فرخندې روح ته دعا وکړه، د هغې کورنۍ او د افغانستان ملت ته یې تسلیت ووایه.
نوی فکر – د جرم له ثبوت پرته د افغان میرمنې فرخندې قتل او صحرايي محاکمه په کلکو ټکو غندي او دا جنایت د افغان، مسلمان او سر لوړي ملت په حیثیت او وقار بېرحمانه ګذار بولي.
مونږ له امنیتي ارګانونو څخه په کلکه غوښتنه کوو چې د میرمن فرخندې فاتلین د عدالت منګولو ته وسپاري او هغه منیتي منسوبین چې د دې کرغېړن جنایت په مخنیوي کې پاتې راغلي او یا یې غفلت کړی، عدلي او قضایي ارګانونو ته معرفي کړي.