فضل غني حقمل – سارینا په یوه ترافیکي پیښه کې سخته ټپي شوه او سمدستي د ټایلند یوه روغتون ته انتقال شوه، خو دا چې په سړکونو کې د خلکو ګڼه ګوڼه زیاته وه نو هغه پر وخت (ICU) یا عاجل اطاق ته و نه رسیده او ساه یې ورکړه.
سارینا او نامزاد یې چادیل غوښتل چې په نیږدې راتلونکې کې واده وکړي، خو د سارینا مړینې بیا هم ددوی دواړو د واده مخه و نه نیوله او پر سبا یې چادیل د خپلې میرمنې له جسد سره دواده مراسم پر ځای کړل.
چادیل وايي ځکه یې د سارینا له جسد سره واده وکړ چې له هغې سره واده یې آرمان وه او غواړي ثابته کړي چې مینه هیڅکله نه مري!