تاند- چین له خپلئې خاورې په مستقیم ډول افغانستان ته د تجارتي مالونو دوهم رېلګاډی راولېږه.
د چین دولتي خبري اژانس سینهوا وايي چې افغانستان ته په چینايي مالونو بار رېلګاډی له (Yiwu) ښاره د افغانستان په لور روان شو او په ۱۵ ورځو کې به مزارشریف ښار ته ورسېږي.
دا په وروستیو ورځو کې د چین دوهم اورګاډی دی چې په مستقیم ډول افغانستان ته مال لېږدوي. لومړی رېلګاډی تېره اوونۍ (اګست ۲۵مه) افغانستان ته راروان شو او لا هم په لاره دی.
د چین دا اورګاډی به هم د لومړي هغه په شان له قزاقستان څخه ازبکستان او له هغه ځایه مزارشریف ته راځي.
تر دې مخکې د چین تجارتي مالونه قزاقستان ته او د دغه هیواد په اورګاډي کې ازبکستان او بیا د ازبکستان په ریلګاډي کې افغانستان ته استول کېدل.
د چین او افغانستان ترمنځ په مستقیم ډول تجارتي راکړه ورکړه پر پاکستان د افغانستان د اتکا له کمولو سره مرسته کولی شي. پاکستان تل د افغانستان له دې مجبوریته ناوړه استفاده کړې ده.
د چین په دوهم رېلګاډي کې، چې ۱۰۰ ډبې لري، د ۴ ملیون ډالرو په ارزښت مال بار دی. دا رېلګاډی به هم د قزاقستان او ازبکستان د هیوادونو له خاورو څخه د ۷۵۰۰ کیلومتره لارې له کچ کولو وروسته په ۱۵ ورځو کې افغانستان ته ورسېږي.
سینهوا خبري اژانس وايي چې د روان میلادی کال تر پایه به افغانستان ته د دغه رېلګاډي تګ په اوونۍ کې یوځل شي.
دخدای رحمت دی د چین په کفارو چې د پاکستان تر مسلمانانو موږته ښه دی!
له اسلامي پاکستان نه د کمونستي چین سپی هم شرف لري.