تاند، شنبه، د سنبلې ۲۳مه: د امریکا د جمهوري غوښتونکو د ګوند سناتور او د ټرمپ ملاتړي سیاستوال لینډسې ګراهام پر ټرمپ او نړیوالې ټولنې ملاتړ کړی چې په افغانستان کې د راروانو ولسمشریزو ټاکنو ملاتړ وکړي.
نوموړي پر خپله ټویټر پاڼه له امریکا او نړیوالې ټولنې غوښتي چې د ټاکنو ملاتړ دې وکړي تر څو دا ډاډ ترلاسه شي چې افغانستان د تروریزم پر وړاندې جګړه کې بریالی کېږي.
نوموړي لیکلي، د ډیموکراټانو سیاسي جریان افغانستان ته یو نوی شریک ورکوي تر څو له امریکا او نړیوالې ټولنې سره مرسته او همکاري وکړي.
دغه امریکايي سیاستوال تر دې وړاندې له طالبانو سره د سولې د هوکړې په تړاو هم د بدو پایلو خبرداری ورکړی و او بیا بیا یې ویلي چې پر طالبانو د سولې په هوکړه کې باور نشي کېدای.