خبرپاڼه
نېټه١٣٩٢، ٠٤، ٢٢
کندهار افغانستان– د کندهار ولايت د پنجوايي ولسوالۍ د زنګ اباد په ساحه کي د سړک د غاړي د ماين چاودني له امله دوو کوچنيو هلوکانو خپلي پښې له لاسه ورکړي دي.
نوموړي ماشومان چي د همدې لاري څخه د تېرېدو په حال کي ول، د وسلوالو طالبانو له لوري پر ښخ سوي ماين ختلي چي په پايله کي يې يو تن ماشوم خپل دواړه پښې او دوهم ماشوم د خپل دواړه پښو سره يو لاس هم له لاسه ورکړي دي.
دغه کوچنيانان د پېښي څخه وروسته سم دستي، د سيمي د امنيتي ځواکونو له لوري روغتون ته وړل سوي او دا مهال تر درملني لاندي دي.
وسلوال طالبان تل امنيتي ځواکونو ته، د زيان رسولو لپاره پر عامه لارو باندي ماينونه ښخوي خو د يادو ماينونو اکثره قربانيان ملکي وګړي دي. ديادوني وړه ده چي تردې وړاندي هم د کندهار په بېلا بېلو سيمو کي د ماين د چاودنو په ورته پېښو کي ماشومانو ته زيان او مرګ ژوبله اوښتې ده.