تاند، شنبه، د جدي ۱۴مه: د مزار شریف ښار لسمې حوزه کې د ښځو د یو حمام مخې ته چاودنې ۱ تن وژلی او ۳ ملکیان يې ژوبل کړي دي.
د بلخ امنیه قومندانۍ ویاند عادل شاه عادل تاند ته وویل، پېښه نن سهار لس بجې شاوخوا شوې چې په غالب ګومان ځای پر ځای شوی ماین و.
د بلخ د حوزوي روغتون بیا نه وايي چې ټپیان او مړي ښځې دي که نارینه؟ خو زیاتوي چې د ټپیانو وضعیت ښه دی او درملنه یې روانه ده.
تر اوسه د مزار شریف ښار په شرقي ساحه کې د دغې پېښې مسوولیت کومې ډلې پر غاړه نه دی اخیستی.