تاند، یکشنبه، د سنبلې ۱۰مه: کابل کې د روسیې سفیر وايي، هېواد یې غواړي له افغان حکومت سره په ګډه کابل کې یو لوی پوهنتون جوړ کړي.
الکساندر مانتیتسکي نن په دې تړاو د افغانستان د لوړو زده کړو له سرپرست وزیر عبدالتواب بالاکرزي سره لیدنه هم کړې او ورته یې ویلي، مسکو غواړي له کابل سره د علمي اړیکو د پراختیا لپاره د افغانستان له څو لویو پوهنتونو سره د همکارۍ سندونه لاسلیک کړي.
د لوړ زده کړو وزارت لخوا تاند ته په استولې خبرپاڼه کې د دې لیدنې په تړاو د الکساندرمانتیتسکي له قوله راغلي چې روسيې دغه راز لیوالتیا ښودلې تر څو د افغانستان ګڼو پوهنتونو کې د روسي ژبې څانګې هم پرانیزي.
خبرپاڼه وايي، چې د لوړو زده کړو سرپرست وزیر تواب بالاکرزي د مسکو د دې خبرې هرکلی کړی چې غواړي کابل کې افغان – روسي پوهنتون جوړ کړي.
ښاغلي بالاکرزي ویلي، دوی به له مسکو سره په ګډه افغان پوهنتونو کې د روسي ژبې د زده کړې د لنډمهاله او اوږدمهاله کورسونو د جوړولو طرحه هم و ارزوي او په تدریجي ډول به لویو پوهنتونو کې د روسي ژبې د زده کړې ډیپارټمنټونه پرانیستل شي.
دا په داسې حال کې ده چې دا مهال په کابل کې امریکا هم د افغان – امریکايي په نوم یو پوهنتون لري چې د لیسانس تر څنګ د ماسترۍ او دوکتورا زده کړې هم په کې کېږي.
روسیه په دې وختونو کې کابل ته هر کال ۲۶۰ بورسونه هم ورکوي.
چې دا به پوهنتون وي که دې سقاوي غلو لپاره د جاسوسۍ مرکز
خبر ښه دی خو ماتیتسکي نه مانتیڅکي لیکل کیږي. د روسي څ په انګرېزي کې په ټي اېس اړوي خو په پښتو کې باید د روسي په پله څ ولیکل شي.
سلام
دحضرت علی کرم الله وجهه خبره ده چې وایی :په دنیا کې هردولت په مصرف کمیږی مګرد علم دولت چې څومره مصرف شی زیاتیږی
په رښتیا کې مونږ سیاست مړه کړو ، ووژلو ، تباه یې کړو ،او نور څه نه دی پاتی چې متثبت اړخ یې یو فیصد صفت هم ولری . موږ باید به سیاست پوهه خبل هېواد یو ځای ته را رسولی وای خو له بده مرغه ونه شو
داښه کار دی چې به موثره توګه له دې بروتوکول نه د ماستری او ډاکتری به کچه ګته بورته شی هدف مې له کچې معیاراو هراړخیزه د ستندرد برخې دی دا ځکه چی یوازې کاغذ یاسند خبرې نه کوی
موږ د تعلیم او تربیی کیفیت او کمیت باید د لیسانس به کچه دیر جدی ونیسو مخکې له دې چې ماستر او داکتر ته راشو
په کابل یا کوم بل هر ولایت کی د روسی علمی مرکزونو او پوهنتون فعالیده یو انکار نه منونکی ژوره او پراخه اړتیا ده چی د علمی توازن تر څنګ یو ډول سیاسی رقابتی توازن هم را منځته کولای سی
موږ نور د روسیانو څخه باید بیره ونلرو ځکه د روسیانو همهغه سوویتی مارکسیسټی زهرجن غاښونه مات سوی او زهر نه شی تزریق کولای