خبرپاڼه
نېټه: ١٣٩٤-٢-١٤
کندهار، افغانستان- د کندهار ملي امنيت رياست ٣ وسله وال ترهګر، چې په ترورستي،انتحاري او بېلابېلو ترهګريزو فعاليتونو کي يې برخه اخيستې وه، ونيول.
د يادو کسانو هويت په دې ډول دى،ګلبدين مشهور په عبدالله دشمس الحق زوى دحاجي احمد لمسى دکندهار ولايت دسپين بولدک ولسوالۍ دکنډک کلي اوسيدونکى، صديق الله مشهور په خالد د دوست محمد زوى دعبدالغفور لمسى اصلي دکندهارولايت دارغنداب ولسوالۍ د تابين کلي او فعلي دکندهار ښار دښپږمي ناحيې اوسيدونکى ، سيد علي آغا دمحمد رسول زوى دمحمد حسن لمسى دکندهار ولايت دپنجوايي ولسوالۍ دزنګ آباد کلي اوسيدونکى
يادو ٣ تنو ترهګرو د کندهارښار او ولسواليو په بېلابېلو ساحو کي ترهګريز او ترورستي فعاليتونه کول، چي د ملي امنيت د ويښو او بيدارو منسوبينو له لوري د بېلابېلو عملياتو په پايله کي ونيول سول. دغو کسانو پر خپلو ترهګريزو او تخريبي فعاليتونو اعتراف هم کړى دى.
وسله وال ترهګر هڅه کوي چي د ترهګريزو کړنو په مرسته په خلکو کي وېره خپره کړي او افغانان د غم پر ټغر کښېنوي. خو افغان ملي امنيتي ځواکونه به تل هڅه کوي چي د شپې او ورځي د ولس خدمت وکړي او خپل ولس د وسله والو له ظلمونو خلاص کړي.