تاند، دوشنبه، د حوت ۱۹مه: په افغانستان کې د ملګرو ملتونو مرستندویه دفتر (یوناما) د ولسمشر غني ته د بیا ځلې ولسمشر له کبله د لوړې د مراسمو پر ځای کولو مبارکي ورکړه.
ملګرو ملتونو همدا راز ویلي، د ملي یووالي لپاره د ولسمشر غني تعهد، همه شموله حکومت سولې او اقتصادي ودې ته زمینه برابروي.
د یوناما مشر تادامیچي یاماموتو وویل، ملګري ملتونه په ټول افغانستان کې د ولسمشر غني ادارې سره کار کولو ته چمتو دي.
ملګرو ملتونو همداراز، د افغانستان د سولې خبرو اترو لپاره د ټولو سیاسي ښکیلو اړخونو سره د مشورو هرکلی کړی او ټینګار یې کړی چې کابل فرصت له لاسه ورنکړي او بین الافغاني خبرو اترو ته ژر ور وړاندې شي.