تاند- په لغمان ولایت کې د نامعلومو وسله والو په حمله کې د یوې کورنۍ لږترلږه ۱۰ غړي ووژل شول.
د لغمان د والي ویندوی سرحدي ځواک نن /دوشنبه/ وویل، حمله تېره شپه هغه مهال وشوه چې د قرباني شوې کورنۍ غړیو د ماسخوتن ډوډۍ خوړه.
ده وویل چې حمله کوونکو له ماشینګڼو او لاسي بمونو کار اخیستی دی.
ځواک وویل چې تراوسه پوري د حملې انګېزه او د هغې د عاملانو په اړه څه نه شي ویلی.
تراوسه پوري کومې وسله والې مخالفې ډلې د دې برید مسوولیت په غاړه نه دی اخیستی.