تاند- د پاکستان صدراعظم محمد نوازشریف وايي هیواد یې په افغانستان کې د سولې او ثبات لپاره هر راز مرستې ته تیار دی.
ده چې د پنجشنبې په ورځ په اسلام اباد کې د افغانستان د سولې د عالي شورا له پلاوي سره خبرې کولې، تاکید وکاوه چې پاکستان به په افغانستان کې د سولې او پخلاینې لپاره د اسانتیاوو په برابرولو کې هڅو ته دوام ورکړي.
نوازشریف وویل چې چې باثباته افغانستان د پاکستان په ګټه دی او په دې لړ کې به له افغانانو سره همکارۍ ته دوام ورکړي څو ټوله سیمه سوکاله او امن شي.
د افغانستان د سولې د عالي شورا پلاوي د پاکستان د سفر په ترڅ کې د پاکستان د ملي امنیت له سلاکار سرتاج عزیز، د بهرنیو چارو سرپرست وزیر جلیل عباس جیلاني او دغه راز د ملا عبدالغني برادر په شمول له یو شمېر طالبانو سره وکتل.
ټاکل شوې ده چې د پاکستان صدراعظم په نژدې ورځو کې کابل ته راشي.
نوازشریف تېره میاشت په لندن کې د بریتانیا د صدراعظم په بلنه د افغانستان له ولسمشر سره په سیمه کې د سولې او پخلاینې پر بهیر خبرې کړې وې.
ګل لالا
د یوه خوار ژور نالست نوم په شد ومد یادولی شئ د سولې د شورا د پلاوي نوم نشئ یادولی؟