تاند: هندوستان داسې فکر کوي چې هند ضد پاکستانۍ ترهګرې ډلې جیش محمد د دوی له هوایي بریدونو وروسته خپل کمپونه افغان خاورې ته لېږدولي دي.
د هند د استخباراتي ادارو د معلوماتو پر اساس شپږ میاشتې وړاندې چې بالاکوټ کې د دغې ډلې په مرکزونو د هند لخوا هوايي بریدونه وشول، جیش محمد ډله وویرېده او مولانا مسعود اظهر خپل جنګیالي افغانستان ته واړول.
هندي رسنیو د استخباراتي ادارې را د مشرانو له قوله لیکي، دا جنګیالي د افغانستان په ختیځو غرنیو ولایتونو کې ځای پر ځای شوي دي او له هغه ځایه د دې امکان شته چې د هند پر ډپلوماټیکو دفترونو بریدونه وکړي.
تر اوسه په کابل کې د هند سفارت په دې اړه څه نه دي ویلي، خو د کورنیو چارو وزارت وایي د ترهګرو اصلي پټنځایونه په پاکستان کې دي او دې خواته هیڅ وسله وال نشته.
جیش محمد ډلې شپږ میاشتې وړاندې په هندي کشمیر کې د موټر بم برید په مرسته شاوخوا ۴۰ هندي پوځیان ووژل شول.
سلام ! هغوی فکر نه کوی ، ریښتیا وایی ،دکونړ له چپې درې خبر واخلی چې هلته هم راغلی