تاند – د هند حکومت په نوي ډیلي کې د پاکستان د های کمېشنر دفتر (سفارت) یوه جیګپوړي کارمند محمود اختر ته ۴۸ ساعته وخت ورکړی دی چې له دغه هېواد څخه وځي.
هندوستان محمود اختر د رذیل یا نه منلو وړ سړي په توګه یاد کړی دی او ویلي یې دي چې نوموړي د آی اېس آی لپاره کار کاوه.
د هند یوه تلوېزیوني شبکه NDTV د هندي چارواکو له قوله وایي چې اختر د چارشنبې په ورځ په یوه ځایي ژوبڼ کې له دوه کسانو څخه له پاکستان سره په پوله د حساسو پوځي توظیفاتو په هکله معلومات ترلاسه کړي دي.
د هند د راجستان دوه تنه اوسېدونکي مولانا رمضان او سبحش جهانګیر چې محمود اختر د جاسوسۍ لپاره توظیف کړي ول ځای پرځای د پولیسو له خوا نیول شوي خو پاکستانی سیاستوال د دپلوماتیک خوندیتابه لرلو له امله نه دی نیول شوی او ورته ویل شوي چې چټک دې له هند نه وځي.
اېن ډي ټي وي وایي چې په نوي ډیلي کې د پاکستان های کمېشنرعبدالباسط د بهرنیو چارو وزارت ته غوښتل شوی او هند د پاکستاني سیاستوال د بې ځایه حرکاتو په هکله خبرداری ورکړی دی.
ویل کیږي چې د پاکستان بېلابېلې استخباراتي ادارې په ځانګړې توګه د نظامي استخباراتو اداره (آی اېس آی) په افغانستان، هند او بنګله دېش کې د اسلام او اسلامي ارزښتونو د حمایې په نامه ګڼ شمېر ځوانان په بېلابېل ډول تطمیع کوي او حساس حکومتي رازونه ترې ترلاسه کوي چې په یو شمېر مواردو کې یې بیا د خپلو لوړو ګټو لپاره د طالبانو د مشرانو په څېر په نورو خرڅوي. بنګله دېش تېر کال د جماعت اسلامي په نامه د پاکستان پلوې ډلې څو مشران په همدې تور اعدام کړل.
IN AFGHANISTAN ALSO MANY AFGHAN MUJAHID HAVE CONNECTION WITH
PAKI EMBASSY IN JABD.KNDHR KABUL,
AFGHAN INTELLGENCY SERVICE MUST FALLOW THIS KIND PEOPLES.
THANK YOU