تاند، جمعه، د جدي ۲۰مه: د پکتیکا په زیړوک ولسوالۍ کې د هوایی ځواک ایم آی ۱۷ ماډل چورلکې بېړنۍ ناسته کړې ده.
د دفاع وزارت د ویاند مرستیال فواد امان تاند ته پیښه تایید کړه خو وایي، هیچا ته په کې زیان نه دی رسېدلی.
نوموړی وایي، له ارزونې وروسته معلومه شوه چې چورلکه د ترمیم وړ نه ده، ځکه نو د هوایي ځواکونو لخوا سوځول شوې ده:(( د پیښې لامل تخنیکي ستونزه وه او په اړه یې څیړنې روانې دي.))
دا په داسې حال کې ده چې دا په څو ورځو کې د هوایي ځواک دریمه چورلکه ده چې نسکوریږي.
تر دې وړاندې یوه چورلکه فراه ولایت پرچمن او بله ګردیز تند قول اردو کې راپریوته.