تاند، پنجشنبه، د قوس ۲۸مه: ولسمشر غني د استاد ګلزمان په شمول له ۵۰ هنرمندانو سره د نغدي مرستو منظوري ورکړه.
د ولسمشر ویاند صدیق صدیقي په دې اړه تاند ته وویل، د افغانستان د هنر د سل کلن سفر په تړاو سیمینار کې اعلان وکړ چې د هنر په اووه برخو کې به ۵۰ مستحقو افغان هنرمندانو ته في نفر ۵۰ زره افغانۍ ورکوي.
نوموړی وايي، د دغو مستحقو هنرمندانو لیست د اطلاعاتو او فرهنګ وزارت د هنرونو د عالي شورا لخوا په مرکز او ولایتونو کې برابر شوی و.
استاد ګلزمان څه موده وړاندې په یوه تلویزیوني مرکه کې ګیله کړې وه چې د افغان حکومت لخوا له پامه غورځول شوی دی او اوس په کرايي کور کې له خراب اقتصادي وضعیت سره ژوند کوي.