تاند- د افغانستان ولسمشر اشرف غني احمدزی نن ناوخته چین ته په څلور ورځني سفر بېجنګ (پیکینګ) ته روان شو.
ولسمشر احمدزی به د چین د ولسمشر جینګ پینګ په رسمي بلنه په دې سفر کې د ولسمشر تر څنګ د دغه هیواد له صدراعظم او د پارلمان له ريیس سره هم جلا جلا وګوري.
همداراز به د دواړو ولسمشرانو په حضور کې به د افغانستان او چین د همکارۍ څو موافقې لاسلیک شي.
ښاغلی احمدزی به د چین ولسي جمهوریت ته د خپل دې څلور ورځني رسمي سفر په لړ کې د افغان او چینایي پانګوالو او سوداګرو په یوه ګډه غونډه کې ګډون وکړي او د دغه هېواد ستر صنعتي تاسیسات او بنسټونه به هم له نژدې وویني.
ډاکټر محمد اشرف غني احمدزی به همدا راز د بیجینګ ښار په شینهوا پوهنتون کې وینا وکړي او په یوه ګردي میزکې به له یو شمېر کارپوهانو سره د چین او افغانستان د دوه اړخیزو اړیکو او د سیمه ییزو او نړیوالو مسایلو په باب خبرې وکړي.
د افغانستان له له ولسمشر محمد اشرف غني احمدزي سره په دغه سفر کې د ملي امنیت سلاکار محمد حنیف اتمر، د حکومت د اجرائیه ریاست دوهم مرستیال حاجي محمد محقق، د بهرنیو چارو وزارت سرپرست ضرار احمد عثماني، د ملي اقتصاد په چاروکې د ولسمشر سلاکار او د مالیې وزارت سرپرست حضرت عمر زاخیلوال، د ملي دفاع وزارت سرپرست سترجنرال بسم الله محمدي، د سوداګرۍ او صنایعو وزارت سرپرست محمد شاکر کارګر، د چارو د ادرې لوی رئیس او د جمهوري ریاست د عالي مقام د دفتر رئیس عبدالسلام رحیمي، د ولسمشر ویاند نظیف الله سالارزی، د ملي شورا ځيني غړي او یو شمېر ملي سوداګر ملګرتیا کوي.
محقق به شرمیږی نه چی اوس له ډاکټر سیب اشرف غنی سره په سفر کی ملتیا کوی؟ ده خو به پری ریشخند کولو