تاند، شنبه د سنبلې ۲ مه؛ افغان ولسمشر محمداشرف غني د یو لوړپوړي دولتي پلاوي په مشرۍ نن ماسپښین د رسمي سفر په موخه سعودي عربستان ته ولاړ.
له ارګه په دې تړاږ تاند ته را استول شوې خبرپاڼه وایي، ټاکل شوې چې ولسمشر غني او ملګری پلاوی به یې د دغه سفر په لړ کې مکې معظمې ته د عمرې مراسمو د پرځای کولو تر څنګ د دغه هیواد له پاچا ملک سلمان بن عبدالعزیز او یو شمیر نورو چارواکو سره جلا جلا کتنې ولري.
ارګ د لیدنو او سفر د موخې په اړه جزیات نه دي ورکړي خودا په داسې حال کې ده چې د سولې د نهم پړاو خبرې پیل شوي او طالبانو ویلي چې تر دوه ورځو به یې پایلې معلومې شي.
سعودي د طالبانو حامي هیواد بلل کېږي چې ویل کیږي پر دغه ډله یې لا هم خپل نفوذ ساتلی دی.