تاند- د افغانستان ولسمشر محمد اشرف غني نن /سې شنبه/ له یوه جګپوړي پلاوي سره کندهار ته لاړ.
ارګ وايي، ولسمشر د دې لپاره کندهار ته تللی چې د دې ولایت د پخواني امنیه قوماندان جنرال عبدالرازق له کورنۍ سره خواخوږي وکړي.
د ارګ خبرپاڼه وايي چې ولسمشر به همداراز د دې سفر په لړ کې د کندهار له خلکو سره غمرازي وکړي.
حنرال عبدالرازق او د کندهار د ملي امنیت رييس عبدالمومین حسین خېل د تېرې پنجشنبې په ورځ د یوه نفوذي په حمله کې ووژل شول او د کندهار والي سخت ژوبل شو.
د ارګ سرچینې وايي چې د ولسي جرګې د انتخاباتو له کبله ولسمشر غني کندهار ته خپل سفر نن ورځې ته وځنډاوه.
ټاکل شوې ده چې اجرايي ريیس عبدالله عبدالله هم کندهار ته لاړ شي.
پرون د جنرال عبدالرازق کشر ورور د کندهار د سرپرست امنیه قوماندان په توګه وټاکل شو.
http://www.archive.www.archive.taand.com/archives/114941