خبریال: ابوبکر جبارخېل:- پاکستانۍ تلویزیون جیونیوز وايي، افغان ولسمشر حامد کرزی چې نن دوشنبه د یوه لوړ پوړي پلاوي په مشرۍ اسلام آباد ته رسیدلی، د دې هیواد له لومړي وزیر میانوازشریف سره یې ولیدل او له دې وروسته به له پاکستاني ولسمشر آصف علي زرداري سره هم وګوري.
سرچینه د پاکستاني چارواکو له خولې وايي په دغو لیدنو کتنو کې به ولسمشر کرزی د دوه اړخیزو اړیکو، افغان سولې، سیمې پر حالاتو، له ترهګرۍ سره د مبارزې او له ۲۰۱۴ کال وروسته له افغانستان څخه د بهرنیو ځواکونو د وتلو پر څرنګوالي بحث او خبرې اترې وکړي.
اسلام آباد ته نن سهار د ولسمشر کرزي په رسیدو سره په نړیوال هوايي ډګر کې افغان پلاوي ته د پاکستان د ملي امنیت سلاکار سرتاج عزیز لخوا هرکلی وویل شو.
په دغه یوه ورځني سفر کې له ولسمشر کرزي سره د بهرنیو چارو وزیر ډاکټر زلمی رسول، د ملي امنیت سلاکار ډاکټر رنګین دادفر سپنتا، د مالیې وزیر ډاکټر حضرت عمر زاخیلوال، د سوداګرۍ وزیر ډاکټر انوار الحق احدي، د امنیت د لیږد کمیسیون مشر ډاکټر اشرف غني احمدزی، د سولې د عالي شورا مشر صلاح الدین رباني او د ولسمشرۍ ماڼۍ د دفتر مشر عبدالکریم خرم ملګري دي.
یاده دې وي، چې پاکستان ته د ولسمشر کرزي دا شلم سفر دی چې ترسره کیږي.
په بښنې چې د ناستې جزیات په کې نه ول. دویم دا چې سرتاج عزیز هرکلي ته نه و ورغلی بلکې د سرحداتو او کډوالو چارو وزیر ورغلی و او بله دا چې زاخېلوال تېره ورځ پاکستان ته تللی و د کرزي د سفر ملګری نه و
وایي میاشت له اولې معلومېږي. دا سپي دي، د سپیو چې تر څو غاښونه مات نه کړای شي خامخا خوړل کوي. دا دومره لوی لښکر ته یوازې سرتاج عزیز د هرکلي له پاره ولاړ وه؟ دا پخپله د افغان هیئت سپکاوی دی. بله دا چې آیا دا دومره کسانو په کابل کې نور کارونه نه لرل چې ټول له یوې مخې تلل؟ د افغانانو له پاره د دې اوږدمهالې ستونزې د حل او د عزت او وقار یوازنۍ لاره دا ده چې له هند سره خپل هر اړخیز روابط کلک کړي؛ تعلیم تعلیم تعلیم او د هغوی له تعلیمی بورسونو نه کار واخلي او په پوځي برخه کې د هندي افسرانو له خوا وروزل شي.
Ao da hindwano da dagha hum pa zan dagha krree ka sanga hnn Ahmada.
یویشتم سفر به هم د تیرو سفرونو په شان ناکام وی، بهتره خو داوه چه کرزی نباید پاکستان ته تللی وای او دهغه په ځای یی یو وار بیا هند ته سفر کړای وای