د افغانستان ولسمشر حامدکرزي، د هېواد د کرکټ د ملي لوبډلې او د کرکټ د تنکیو ځوانانو د لوبډلو له لوبغاړو سره په ارګ کې وکتل، د هغوی بریالیتوبونه یې وستایل او په میډالونو او نغدي جایزو یې ونازول.
د افغانستان د کرکټ د زلمکو ټیم په مالیزیا کې د عربي متحده اماراتو او ملي لوبډلې په شارجه کې د کینیا د کرکټ لوبډلې ته په ماتې ورکولو سره د ۲۰۱۴ او ۲۰۱۵ کال نړیوالو لوبو ته لاره وموندله.
په دې مراسمو کې چې مراسمو کې چې نن غرمه په ارګ کې ترسره شول، حامدکرزي د کرکټ د ملي لوبډلې او زلمکیو ټیم لوبغاړو ته د وروستیو بریو په خاطر مبارکي وویله او ویې ویل دا بریاوې له دې کبله هم د اهمیت وړ دي چې کینیا د کرکټ په برخه کې ۱۱۴ کاله سابقه .
ښاغلي کرزي د کرکټ د دواړو لوبډلو لوبغاړوته وویل:« تاسو پخپلو نویو او سترو بریالیتوبونو افغانستان د کرکټ نړیوالو سیالیو ته و رساوه چې دا د افغانستان د خلکو لپاره لوی عزت دی.»
حامدکرزي وویل: «تاسو پخپلو دغو بریاوو د افغانستان عزت او نوم لوړ کړ او په نړۍ کې مو ورته نیک نوم وګاټه.»
ولسمشر د کرکټ لوبغاړي وهڅول چې له خپلو کامیابیو سره سره دې همیشه هڅه وکړي چې ځانونه له پخوا لازیات پیاوړي کړي.
د مراسمو په پای کې د کرکټ د ملي لوبډلې او د کرکټ د تنکیو ځوانانو د لوبډلې لوبغاړو، روزونکو، د کرکټ لوی رئیس او همکارانو د لا هڅونې په نیت د ولسمشر حامدکرزي لخوا د کرکټ د ملي لوبډلې او د کرکټ د تنکیو ځوانانو د لوبډلې هر لوبغاړي ته د غازي میربچه خان عالي دولتي مډال، د ښار جوړونې وزارت د خواجه رواش پروژې د استوګنې په بلاکونوکې یو دوه اتاقه آپارتمان او سل زره افغانۍ نغدي مکافات او د کرکټ بورد رئیس او نورو همکارانو ته یې د غازي میربچه خان عالي دولتي مډالونه او نغدي مکافات ورکړل شول.
لوبغاړي ته!
اسمعيل لاروی
چې سهار شي، ښوونځی په سرور لامبي
په لوبغالي کې لګيا زر ماشومان وي
د کرکټ، فوټبال او نورې لوبې کاندې
ښوونځی د محبت چيغو ودان وي
درز شي، دوړي شي او وېره رانازله
په ژړا کې شي، د مينې چيغې ورکې
ماشومان له ترهې هرې خوا ته ځغلي
او له دوړو څخه بوی راځي د کرکې
يو ماشوم ټوټې، ټوټې په ډګر پروت دی
او غونډوسکی يې په خپلو وينو رنګ دی
بل نيم ژواندی د ښوونکي غېږ کې رپي
زره چاودی بل لېږ هغه، خوا، را ړنګ دی
ښوونځی زياتي هغه ښوونځی نه وي
د وحشت او د ماتم سپي پکې غاپي
په لوبغالي کې نور شور د لوبو نه وي
د ژړا او د لوی غم سپي پکې غاپي
د دې پېښې يو تصوير دې جېب کې کېږده
د نړۍ هر زورور ته يې ور ښايه
نوره لوبه د جنګ بس ده، هوادارو!
دا زما د وطن حال دی، ورته وايه
ته لوبغاړی يې او ځې تر هر ځايه
خلک وايي، چې د سولې پيغمبر يې
ته زما د سپېرې خاورې اوسېدونکی
ته د جنګ په ناورينونو ښه خبر يې
دکرزی صیب د دغه مرستو اوتشویق نه یوه نری مننه چی زموز ملی اتلان یی ونازول کاشکی هر چازموز ملی ویارونه او اتلان دغسی نازولای. آفرین آفرین پر کرزی صیب