د امریکا د بهرنیو چارو مرستیال وزیر ویلیم برنز پرون په ازبکستان کې وویل، متحد ایالتونه به د سږ کال په پای کې له افغانستانه د خپلو پوځیانو له ایستلو وروسته له منځنۍ اسیا سره ژمنه او په تماس کې پاتې شي.
د فرانس پریس خبري اژانس د راپور له مخې برنز په تاشکند کې خبریالانو ته وویل:«زما پیغام واضح دی، له منځنۍ اسیا او ازبکستان سره د امریکا ژمنه دایمي ده ځکه چې په منځنۍ اسیا او ازبکستان کې د امریکا ګټې دوامداره دي.»
د متحدو ایالتونو د بهرنیو چارو وزیر د ازبکستان له باندنیو چارو وزیر عبدالعزیز کاملوف سره له خبرو وروسته وویل:«موږ د سیمې پر اهمیت سترګې نه شو پټولی نو امریکا له دې نه شي تېرېدای.»
ویلیم برنز وویل چې د ازبکستان له چارواکو سره یې خبرې په افغانستان کې د امریکايی پوځیانو د شمېر د کمېدو او دغه راز په اوکراین کې د روسیې پر یرغلګر او پاروونکي رول متمرکزې وې او په دې یې غور وکړ چې دا انکشافات د ازبکستان په شان پر نورو هیوادونو څومره اغېز کولی شي.
ازبکستان، چې د منځنۍ اسیا تر ټولو ګڼ نفوسه هیواد دی، د افغانستان له شمال سره ۱۰۰ کیلومتره پوله لري او له دغه هیواده د افغانستان تر مزارشریف ښاره پوري د اورګاډي پټلۍ غځېدلې ده.
د اورګاډي پټلۍ ازبکستان د افغانستان لپاره په یوه مهم ترانزیتي هیواد بدل کړی دی.
ناټو او امریکا په افغانستان کې خپلو پوځیانو ته ډېر وسایل د ازبکستان له لارې رسوي.
د امریکا د بهرنیو چارو مرستیال وزیر ښاغلي برنز وویل، ازبکستان په افغانستان کې د نړیوالو ځواکونو د وسایلو او اکمالاتو په ترانزیت کې مهم رول لوبوي خو له دې سره سره په دې هیواد کې د بشري حقونو له نظره ستونزې شته.
ده د بشري حقونو د فعالانو راپورونو ته په اشارې، چې وايي په ازبکستان کې د پنبې په صنعت کې له ماشومانو په زوره کار اخیستل کېږي، وویل:«موږ د ازبکستان د حکومت او د کار د نړیوالې ټولنې ترمنځ د خبرواترو په شان په ځینو برخو کې د پرمختګ هرکلی کوو. خو ښکاره خبره ده چې ګڼې ستونزې لا پر خپل ځای پاتې دي.»
ټاکل شوې ده چې د امریکا د بهرنیو چارو مرستیال وزیر سیمې ته د خپل سفر په دوام کې نن /پنجشنبه/ د منځنۍ اسیا بل هیواد قزاقستان ته لاړ شي.
ده پرون ناوخته په تاشکند کې د ازبکستان له ولسمشر اسلام کریموف سره هم ولیدل.
جناب ویلیم بنز! بیشکه چی افغانستان خو مو غول تر غوله کړ، اوس مو نیت د منځنی اسیا بیچاره هیوادونو ته دئ چی هغه هم ستاسو دجنایاتو مزی ووینی،، هغه افغانستان چی امنیت ، قانونیت ، مهمان نوازی ، دخلکو تر متقابله احترام ، وطن برستی ، پاک نفسی و باک وجدان پالنه او هر هغه ښیګنی چی په افغانستان وه ، ستاسو پر راتلو ټول په برعکس واوښته او اوس افغان دامریکا له نامه نه نفرت لری لری لری! للللللللللللللللللللللللللللللللللللللللللللرررررررررررررررررررریییییییییییییییییییییییی
اوس وار دهغه بیخبره او غافل هیوادونو وار دئ چی ستاسو دجنایاتو قدمونه ور نږدی شی بیا به وپوهیږی چی تاسو څوک یاست