تاند، سه شنبه، د میزان ۱۵مه: پاکستان له دوه میاشتني ځنډ وروسته افغانستان ته د تورخم بندر له لارې د غنمو د اوړو صادرات بیا پیل کړل.
پاکستاني چارواکو رسنیو ته ویلي، دوه میاشتې وړاندې په پاکستان کې د غنمو د اوړو تقاضا زیاته شوې وه، نو دوی ځکه جولای له دیرشمې راهیسې افغانستان ته خپل صادرات درولي وو.
پاکستاني چارواکو زیاته کړې د سپټمبر له ۲۴مې راهیسې یې له افغان او پاکستاني سوداګرو سره د مذاکراتو له لیارې افغانستان ته د غنمو د اوړو پر صادراتو بندیز لرې کړی دی.
د جمرود سوداګر جمال اپریدی وايي، تراوسه یوازې یو ټېلر اوړه افغانستان ته اړول شوي او څلور باروړونکي موټر نور هم افغانستان ته د اوښتو په انتظار دي.
دا په داسې حال کې ده چې په تورخم کې افغان چارواکي وايي، د پاکستان له بندیز سره هم مهاله افغانستان ته د پاکستاني اوړو قاچاق زیات شوی و.
بلخوا شنونکي وايي، پاکستان غوښتل پر افغانستان د غله جاتو د صادراتو په بندیز فشار راوړي، خو اوس چې افغانستان نورې لارې موندلې دي، نو پاکستان په سیمه کې خپل یوازني بازار افغانستان ته بېرته رامات شوي دي.
د پاکستان غنم مو پکارندي د دوی غنم له بمونو ډک وی د افغانستان د سرحدي ځواکونو څخه مې جدي غوښتنه ده چې ډير هوښیار اووسي تر څو د پاکستان له داسې کړنو پوره خبر اوسې ځکه دښمن له هرډول تکتيک څخه استفاده کوی او د افغان نسل وژنې ته نوی پلانونه جوړوي
د پاکستان اصلی مطلب په افغانانو فشار و او شکر چی ورباندی پوه شوي هم نه یو
خود وزیر امرخیل خبره هم باید له پامه ونه غورځول شي