پخوانی جهادي قوماندان او د حقاني شبکې موسس مړ شو

بالاخر خُراسان کا وہ بوڑھا شیر بھی چلا گیا جسے آزادی کے لوک گیتوں میں ہمیشہ یاد رکھا جائے گا چرواہے جب جب اپنے ریوڑ کو لیکر نکلیں گے کسی چراہ گاہ ندی یا وادی کے کنارے اس بوڑھے کے قصے اپنے بچوں کو سنائیں گے جو احمد شاہ ابدالی بابا کے کارواں کا مسافر تھا اور وہ عظمت کی بلندی پہ تنہا نہیں بلکہ اپنی اولاد کیساتھ آخر وقت تک کھرا رہتے ہوئے کھڑا رہا ۔ خوست کے کُہسار اور میدان اس جلال الدین حقانی کو کبھی نہیں بھولیں گے جو خوارزم شاہ جلال الدین جیسا تھا دونوں اپنے وقت کی منظم عسکری طاقت کو دُھول چٹاتے رہے اور پھر یوں خاک کے سُپرد ہوئے کہ دشمن گرد بھی نہ پا سکا ، ایک کے سامنے چنگیز خان اور تاتاری تھے تو دوسرے کے رُوبرو کئی ممالک کی جدید افواج ۔۔۔۔

شمال میں جاری جنگ آزادی کے کئی اہم کرداروں میں ملا عمر اور جلال الدین حقانی بھی شامل ہیں ، دونوں نے کسی عسکری ادارے سے پڑھا نہ کسی عصری مکتب کا رخ کیا لیکن فطری جنگی صلاحیت مضبوط اعصاب اور ششدر کردینے والی منصوبہ بندی کے حامل ان عبقریوں نے ایک خلقت کو ورطہ حیرت میں مبتلا کئیے رکھا کہ آخر کیسے ناکافی وسائل تیکنیک اور افرادی قوت کے انہوں نے صلیبی لشکر کے سامنے بے پناہ کامیابی سمیٹی ۔۔۔۔

ملاعمر ، جلال الدین حقانی ملا اختر منصور اور ملا ھیبت اللہ جیسے عسکری و فکری کماندان اگر مغرب میں ہوتے تو ان کی بہادری منصوبہ سازی جرات اور مزاحمت پہ سینکڑوں فلمیں کتابیں اور ڈاکو منٹریز منظر عام پہ آچکی ہوتیں لیکن کیا کیجئے کہ فی الحال امت کے دانشور اور متعلقہ شعبوں کے افراد مرعوبیت اور ذھنی افلاس کا شکار ہیں ان میں تعصب نہ ہوتا تو کم از کم اس مزاحمت کا ہی اعتراف کرلیتے جو لگ بھگ دو دھائیوں سے ملا عمر کے جانثاروں نے جاری رکھی ہے ۔۔۔۔

حقیقی تبدیلی آئے گی تو ان رجال کار کی بابت جان کر ہماری اگلی نسلیں ان پہ فخر کریں گی کیونکہ یہی پہاڑی کے چراغ ہیں یہی زمین کا نمک اور یہی گھٹا ٹوپ اندھیرے میں آزادی کی راہ دکھاتے ستارے ۔۔۔۔۔۔
فیض اللہ خان