د اساسي قانون د صریح حکم له مخې د بیان ازادي له تیري څخه خوندي ده. د همدې حکم په اساس موږ هغه تیری چې د ژوندون پر ټلویزیون وشو، د اساسي قانون خلاف عمل ګڼو او په ټینګه یې غندو.
د بیان ازادي د افغان دولت یوه ډیره مهمه لاس ته راوړنه ده. که دغه ازداي له تيریو څخه خوندي ونه ساتل شي، نو دولت به نه یوازې د خپلو خلکو په منځ کې ؛ بلکې په نړیواله کچه هم خپل اعتبار، لا پسې له لاسه ورکړي.
د ختیځ ادبي بهیر ملګري، دغه تیری یوازې ژوندون ټلویزیون پورې محدود نه ګڼي بلکې دا د ټولو رسنیو پر وړاندې یو بې شرمانه او بزدلانه عمل ګڼي.
موږ له امنیتي ارګانونو په جدي توګه غواړو چې د رسنیو امنیت خوندي کړي او چا ته اجازه ور نکړي چې، په ګانده کې د رسنیو پر وړاندې دغه شان ناوړه عملونه تر سره کړي.
نېټه : ۱۳۹۲ / ۶ / ۱۹
ختیځ ادبي بهیر ملګري