تاند- په بریتانیا کې د پوځ یوه سپي ته، چې په افغانستان کې یې پوځیان ژغورلي ول، میډال ورکړل شو.
د بریتانیا د میترو ورځپاڼې د راپور له مخې دغه سپي ته، چې (Mali) نومېږي، د ۲۰۱۲ م کال په یو لړ خورا حساسو عملیاتو کې د تاریخي مرستې په خاطر د (PDSA Dickin Medal) په نوم معتبر میډال نن /جمعه/ د لندن په پیپلز ماڼۍ کې ورکړل شو.
دا میډال د ویکتوریا کراس یا صلیب معادل دی چې پوځیانو ته ورکول کېږي.
مالي د خاصو عملیاتو په لړ کې دوو خواوو ته، چې دښمن ورڅخه پر نړیوالو ځواکونو ډزې کولې، واستول شو څو په دغو سیمو کې چاودېدونکي مواد ومومي.