تاند- د عراقي رسنیو د راپور له مخې، په بغداد کې د افغانستان د سفارت په ودانۍ کې نن /چهارشنبه/ اور ولګېد.
د عراق د ملکي دفاع ادارې تایید کړه چې په بغداد کې د افغانستان سفارت نن ماسپښین مهال اور واخیست.
اور وژونکي سمدستي د پېښې ځای ته واستول شول او اور یې ژر مړ کړ چې په نتیجه کې یې سفارت ته زیات تاوان ونه رسېد.
د عراق امنیتي سرچینې وايي چې په دې پېښه کې د افغانستان د سفارت هیڅ کارکوونکی یا دیپلومات ژوبل شوی نه دی.
امنیتي سرچینې وايي، د برښنا شارتي سبب شوه چې د سفارت په ودانۍ کې اور ولګېږي.