تاند- د بغلان ولایت د مرکز پلخمري د درېمې حوزې له بالا دورې سیمې اوسېدونکي شکایت کوي چې د دولت وسله والو مخالفانو د دوی کورونه قبضه کړي دي.
دوی وايي، دولتي ځواکونه د دوی پر کورونو د درنو او سپکو وسلو ډزې کوي چې په نتیجه کې یې کورونه نړېږي خو وسله وال مخالفان لا هم د خلکو له کورونو د سنګر په توګه کار اخلي.
په بغلان ولایت کې اکثره پښتانه وايي، داسي ښکاري چې طالبانو په دولتي اورګانونو کې له متعصبو عناصرو سره د دوی پر ضد لاس یو کړی وي.