تاند- په پروان ولایت کې نن سین ته د یوه بس د لوېدو له کبله لږترلږه ۲ تنه مړه او شل نور ژوبل شول.
د شاهدانو په وینا بس، چې له کابله مزارشریف ته روان و، په د چلوونکي د بې پامۍ له امله سین ته ولوېد.
راپورونه وايي چې پېښه په جنوبي سالنګ کې، چې د پروان ولایت برخه ده، وشوه.
په ټپیانو کې ماشومان او ښځې هم شاملې دي.
پولیس او ژغورونکي سمدستي د پېښې ځای ته ورسېدل او ټپیان یې روغتون ته ورسول.
د ترافیکو چارواکي موټرچلوونکي د ترافیکي قوانینو په نه رعایتولو په تېره بیا په تېزچلونې تورنوي.