تاند- د خوست والي وايي، د بي بي سي د خبریال احمد شاه د قتل په تور څو تنه نیول شوي دي.
د بي بي سي خبریال احمد شاه شاوخوا ۱۰ ورځې وړاندې په خوست ښار کې د نامعلومو وسله والو په ډزو شهید شو.
په همدغه ورځ /اپریل ۳۰مه/ چې احمد شاه په خوست کې وویشتل شو، په کابل کې په دوو تروریستي انتحاري حملو کې ۹ خبریالان او ژورنالیستان له ۱۲ نورو افغانانو سره شهیدان شول.
د خوست والي حکم خان حبیبي نن /پنجشنبه/ په یوه خبري غونډه کې وویل، د احمد شاه قاتلان نیول شوي او ژر به عدلي او قضايي اورګانونو ته وسپارل شي.
ښاغلي حبیبي همداراز وویل، د امنیتي او کشفي ادارو د هلوځلو په نتیجه کې قاتلان نیول شوي او اوس تحقیقات ورڅخه روان دي.
ده ونه ویل چې نیول شوي کسان څوک دي او یا یې شمېر څو تنه دی.