تاند، سه شنبه، میزان ۱۶مه: د کرنې وزارت په دایکندي ولایت نیلي ښار کې د لبنیاتو د پروسس یوه فابریکه جوړه کړې ده چې د ورځې زر لیټره شیدې ټولیدوي.
د دایکندي د کرنې ریاست په یوه خبرپاڼه کې وايي، دا فابریکه د نیلي ښار په لزیر سیمه کې د اکسفام موسسې لخوا جوړه او پرانیستل شوې ده، چې دمګړۍ ترې د نیلي ښار او ولسوالیو د شیدو اړتیاوې پوره کېږي.
د دایکندي د کرنې ریاست وايي، دا فابریکه به څو ورځې وروسته په رسمي ډول پرانیستل شي چې شیدې ماسته، پنیر، شوملې، قروت، کوچ، پيروی او چکه هم تولیدوي.