تاند- د طالبانو په حمله او د دې ډلې له لوري د سړک د غاړې په چاودنې کې ۱۶ افغانان ووژل.
افغان چارواکو وویل چې د ملکیانو د یوه موټر په لاره کې د ماین د چاودنې او د پولیسو پر یوې پوستې د طالبانو په برید کې د ماشومانو او ملکیانو په شمول څوارلس تنه ووژل شول.
۷ ملکیان د کونړ له مرکز اسعداباده د دغه ولایت ناړۍ ولسوالۍ ته د سپرلیو د یوه پیک اپ موټر په لاره کې د اېښودل شوي بم په چاودنه کې ووژل شول.
د ناړۍ امنیه قومندان محمد یوسف فرانس پریس خبري اژانس ته وویل:«تېر ماښام یو پیک اپ موټر، چې ښځې او ماشومان پکې سپاره ول، په سړک کې د اېښودل شوي ماین په چاودنه کې والوت، ۷ تنه یې ووژل، په وژل شویو کې ۲ ماشومې نجلۍ هم شاملې دي.»
په دې پېښه کې ۳ ښځې ټپیانې شوي دي.
ده طالبان د دې برید مسوول وبلل.
په جوزجان ولایت کې ۷ پولیس هغه مهال ووژل شول چې طالبانو یې پر پوستې برید وکړ. په دې برید کې شاوخوا ۱۰ تنه نور ژوبل شول.
د جوزجان د پولیسو ویندوی احمد فرید وویل چې دا برید شاوخوا ۲۰۰ طالبانو د قوش تېپې په سیمه کې وکړ.
له دې جلا په جلال اباد کې په دوو چاودنو کې لږترلږه ۲ تنه وژل شوي او ۲ نور ژوبل شول.
ملګروملتو په وروستي راپور کې ویلي چې سږ کال په افغانستان کې ۳۱۸۸ تنه وژل شوي او ۶۴۲۹ نور ژوبل شوي دي. د ملګروملتو په وینا په سلو کې تر ۷۵ زیات ملکیان د وسله والو طالبانو له لوري وژل شوي او ټپیان شوي دي.
خو طالبانو د ملګرو ملتو راپور رد کړی او ویلي یې دي چې د دوی په بریدونو کې زیات ملکیان نه دي وژل شوي.
د انسان، مسلمان او په تېره بیا د پښتانه مسلمان له وژلو پرته د طالب بل څه کار او کمال دی؟یوه ترخه پوښتنه