تاند- په زابل کې امنیتي چارواکو نن وویل چې په یوه نفوذي حمله کې ۸ سیمه ییز پولیس وژل شوي دي.
د زابل والي بسم الله افغانمل هم تایید کړه چې ۸ پولیسو د خپل یوه غدار ملګري له لوري شهیدان شوي دي.
د زابل امنیتي چارواکي وايي چې دا ۸ سیمه ییز پولیس نن /شنبه/ ووژل شول.
د دوی په وینا دا پېښه په شینکۍ ولسوالي کې شوې ده.
په وروستیو کې یو وار بیا د نفوذي عناصرو له لوري د افغان امنیتي ځواکونو په منځ کې حملې ډېرې شوي دي.
تېره میاشت (فبروري ۲۸) د هلمند ولایت په یوه امنیتي پوسته کې د یوه نفوذي پولیس له لوري لږترلږه ۱۲ پولیس شهیدان شول.