ترڅو پورې چې دا خودغرضي، بې ځایه غرور، غیرت، سرزوري او ناوړه دودونه په پښتنو کې وي نو پښتانه هیڅکله د پرمختګ او سوکالۍ په لور نشي تللی، مثلاً
- په موچي زاړه بوټان جوړوي خو موچي یې نه خوښیږي.
- سندرې اوري خو سندرغاړی یې نه خوښيږي.
- ښایسته جامې یې خوښیږي خو جامو جوړونکي ته په بده سترګه ګوري.
- په سقاوه کې به ويښته، ږیره اصلاح کوي، جومات دپاره به هلته غسل کوي خو نایی یې نه خوښیږي.
- په ودونو کې اشپز نه د ښه خوراک برابرول خوښوي خو اشپز ته بیا هم د نایی به سترګه ګوري هغه هم نه خوښوي.
- خارجیانو نه مرستې خوښوي خو نور د انسان په څیر یې نه خوښوي.
- خپله عقیده که سیاسي وي او که مذهبي خوښوي خو بل عقیده ورته اډو عقیده نه ښکاري.
- خپل ناوړه رواجونه ورته ښه ښکاري خو د بل ښه کلتور ورته هیڅ هم نه ښکاري.
- په خپله ژبه د شرم احساس کوي خو د بل په ژبه خبرې کول ورته ځان عصري او متمدن ښکاري.
- خپلو کې اتفاق نه خوښوي خو د نورو سره هر خبره باندې اتفاق کوي.
- همیشه به مرګ په غرب (امریکا، اروپا، استرالیا) وايي خو تګ ته بیا تیار ناست دي.
- د زهرو بوټې به پخپله کري هیڅ خبره نشته خو خپل بچي ته وايي پوډر او چرس به نه څکوې.
- مکتب ته د خپلې خور او لور په لیږلو شرمیږي خو بیا کله چې همدوی ناجوړه شي هندوستان او پاکستان ته یې لیږي او هلته هیڅ خبره نه وي.
- خپلو ځانو ته تعلیم یافته د ژوند ملګرې پیدا کوي خو د خپلې خور او لور تعلیم باندې شرمیږي.
- خپلې میرمنې په برقه کې خوښوي خو د پردیو ښځو سره په هر حالت کې ناسته خوښوي.
- زیات بچي زیږوي خو تربیه نشي ورکولې.
- کار به نه کوي که بل ورته نصیحت وکړي بیا وايي خدای ج رزق ورکونکی دې.
- یو به کار کوي خو څلور نور به ورسره څټل کوي.
- د پردي ښه احترام کوي خو د تربور سره به دښمني کوي.
- ګاونډي به یې د ولږي مړ کیږي دا به حج فریضه اداکوي.
- پخپله به په کور کې یو وخت ډوډې درک نه لګیږي خو میلمستیاګانو کې به بې ځایه زورونه کوي.
- د جومات د پاره نر او ښځه چنده ورکوي خو د پل، مکتب، پوهنتون د پاره مرسته پيژني هم نه.
- په زرګونو جوماتونه به په چندې جوړ کړي وي خو د پل، مکتب او پوهنتون د پاره به يې بیا ملا ماته وي.
- خپله په خوښه ودونه کوي خو ښځینو ته جبري او په خپله خوښه ودوي.
- موږ دې د افغان کلیمې په ځاي پښتو او پښتون وايو خو که تاسو د تاجک او یا ازبک نوم واخیسته نو ګیله به نه کوی.
ډیره عالی
ياره په قلم دې برکت سه، مونږ پښتانه بايد دغوټولو نقاطو ته متوجه سو
په زړه پوری مالومات الله د په قلم برکت که استاد محترم