د غزني ولایت مطبوعاتي دفتر خبرپاڼه
شنبه ۱/۱۰/۱۳۹۷
د غزني ولایت د اندړو ولسوالۍ په اړوندو کې د افغان کومانډو او هوایې ځواکونو د عملیاتو په ترڅ کې د دولت (۳۱) وسله وال مخالفین وژل شوي او د دوو سرګروپانو په ګډون پنځه تنه ژوندي نیول شوي دي.
یاد عملیات پرون شپه او تیره ورځ سهار د اندړو ولسوالۍ په میري، مدد، کمال خیل او علیزي سیمو کې ترسره شوي دي.
په نیول شویو پنځو وسله والو کې د هغوی دوه سرګروپان قاري عبدالله او قاري ذاهد هم شامل دي.
په ترسره شویو عملیاتو کې افغان ځواکونو او ملکي کسانو ته زیان ندی اوښتی.