په بريتانيا کې د مېشتو افغانانو د ټولنیِ له خوا، د سپېڅلي روژې په پای کې، د دې مبارک کوچني اختر په مناسبت، تاسو ټولو لروبرو او په نړۍ کې خوَرو وَرو افغانانو، په بريتانيا کې اوسيدونکو وطنوالو او د نړۍ يونيم ملیارد مُسلمانانو ته مُبارکي وایو .
روژې، پرهېزونه، لمونځونه اوعبادتونه مو قبول شه .
د ټولنې رهبري هيئت تاسو ټولو قدرمنو نه، يوځل بيا، هيله لرو او غوښتنه کوو چې د سپېڅلتیا او دُعاګانو په دې مهال، د دې مبارک اختر د لمانځه په پای کې، زموږ په محبوب تاريخي هېواد افغانستان کې د دې روان ملت وژونکي اوږده وحشي جنګ او د افغانستان د تاريخي دُښمن سره مل فريبکاره نيواک د ختم، د سراسري دايمي افغاني سولې د ټينګښت، زموږ د تاريخي پراخ هېواد د سراسري مِلي وحدت، د ډېر مُستحکم، ډېر زورور، ډېر عادِل او قانونسالار مرکزي حاکميت د تائمين او وُلسي ښېرازۍ دپاره دُعا وکړئ .
د اختر لمونځ به د اختر په اوله ورځ، د ګهيځ په لسنيمو( ۱۰:۳۰) بجو، د پخوا په څېر، د ټولنیِ په مرکز کې ترسره کيږي .
تر لمانځه، دُعاوو او مُبارکيو وروسته، د ځوانانو د مېلو،ساتېريو او افغاني اتڼونو دپاره وخت او ځای په پام کې نيول شوي دي .
د ټولنیِ سره په نږدې ځينو سړکونو کې، د دغه وخت دپاره د موټرو درول ازاد دي.
د رهبري هيئت له خوا
د ټولنیِ پته:
سيدجان کارواني
د ټولنیِ افتخاري مشر