تاند- په لوګر ولایت کې نن /سې شنبه/ یوې انتحاري حملې لږترلږه ۱۲ تنه ټپیان کړل.
په ټپیانو کې د دوو تنو حال نازک ښودل شوی دی.
دا چاودنه د سهار په ۱۰ بجې او ۳۵ دقیقې د لوګر ولایت په مرکز پُل علم کې وشوه.
د لوګر د والي ویندوی سلیم صالح وايي چې د حمله کوونکي انتحاري ح هدف د پولیسو یو افسر محمد ایوب وردک و.
صالح وايي چې دوه ټپیان د درملنې لپاره پلازمېنې کابل ته لېږل شوي دي.
تراوسه پورې د برید مسوولیت کومې ترهګرې ډلې په غاړه نه دی اخیستی.